БОЛИВИЯЛЫҚТАР

Боливиялықтар (өзд. атауы — боливианос) — Боливияның байырғы халқы.Жалпы саны — 3,4 млн. адам (1995), бір шаршы км-ге 7 адамнан келеді.

Ту

Этнос топтары

Этнос топтары: кечуа үндістері — 30%, аймара үндістері — 25%, еуропалықтар (негізінен испандар) — 14%. Қалыптасып келе жатқан Боливиялықтар ұлтының негізін испан-үндіс араласқандылары (чоло) мен үндістер (каничана,каювава) құрайды.Мемллекеттік тілі — испан тілі, халқының біразы аймара, гуарани тілдерінде сөйлейді. Жазуы латын әліпбиіне негізделген. Христиан (католик 95%) дінін ұстанады.

Мәдениет

Мәдениетінде еур. дәстүрлер басым. Кечуа, аймара (үндістер), көбінесе, а. ш-нда, кен орындарында қара жұмыс істейді. Ал чололардың көбі — саудагерлер. Негізгі кәсіптері — егін (күріш, бидай, қант құрағы, мақта, кофе, картоп, арпа, жүгері), мал ш. (ұсақ және ірі қара мал өсіру).

Ұлттық тағамдары

Ұлттық тағамдары: кофе, пуно-картоп, жүгері. Мал еттерін көп пайдаланады. Бағаналы үйлерде екі-үш отбасы бір қақпаның ішінде тұрады. Жерді ұжым болып пайдалану дәстүрі қолға алынған.