Боқымаш Шоланұлы

Боқымаш Шоланұлы (1875, Маңғыстау өңірі, Үстірт – 1931) — Адай көтерілісі (1929–1932) басшыларының бірі. Орта шаруаның отбасында дүниеге келген. Кеңес өкіметі оны байлар қатарына қосып, 1920 жылдан бастап қуғынға салды.Тәркілеуге ұшыратты. 1930 жылдың аяғына дейін қазіргі Батыс Қазақстан облысында Жымпиты ауданында Жақсыбай деген жерде тұрған. Мұсылманша оқыған, елге абыройлы көшбасшы болды. 1931 жылы көктемінде Адай округінің теріскей бетінде жергілікті азаматтар бірнеше кеңес өткізіп, өкіметтің озбырлығына қарсылық көрсету керек деп шешеді. 1931 жылы наурыз айында Адай руының азаматтары Боқымашты хан көтерді. Төрт кісіден тұратын хан кеңесінің мүшелері, ханның орынбасары (Қарамырза Ембергенұлы), әскербасылар (Рахмет Әминұлы, Мамай Салғараұлы, Өзбек Ертөреұлы, Қазақ Шиненұлы, Асан Шынғалиұлы) тағайындалды. Қолға түскен Боқымаш, баласы Рахмет көтерілістің 15 басшысы қатарында атылды.