Заттандыру

Заттандыру-әлеуметтік қатынастардың адамдар арасындағы тікелей қатынастар түрінен заттық,таза рольдік қатынастарға айналуы,нәрселендіруден айырмашылығы - бұл процесс тарихи өтпелі сипатта болады, тауарлы өндіріске,әсіресе капиталистік қоғамға ғана тән. Заттандыру барысында адам елеусіз қалады, яғни оны деперсонификация деп атайды. Ал заттар субъектінің қасиеттеріне ие болады, оны персонификация деп атайды. Заттандыру фетишизм түрінде көрінеді. Заттандыру кезінде адам әрекеті белгілі бір жағдайлар шеңберіне бағынышты ,соның туындысына шығармашылығы сипаты жоқ функцияларды орындаумен ғана шектеледі.Адам тек дайын рольді атқарушы ғана, зат өндірудің функциональді құралы болып шығады.

"Адамның өзі,егер оны жәй дайын тұрған жұмыс күшінің болмысы түрінде қарастырсақ табиғат нәрсесі,тірі де болса ,өзін-өзі сезуге шамасы келсе де , зат болып табылады, ал еңбектің өзі осы күштің заттық бейнесі болып табылады". Маркс