ҚОНАЕВ Асқар Меңдіахметұлы

Қонаев Асқар Меңдіахметұлы (14.7.1929, Алматы қаласы – 31.3.1999, сонда) – технологиялық ғылыми докторы (1970), профессор (1972), Қазақстан ҒА-ның акад. (1981), КСРО ҒА-ның корр. мүшесі (1974), Қазақ КСР-інің еңбек сің. ғыл. қайраткері (1976). Мәскеу болат және қорытпа институтын бітірген (1951). Теміртау металлургия з-тында болат қорытушы (1951–53), Қазақстан ҒА-ның Металлургия және кен байыту ин-тында ғыл. қызметкер, институт директоры (1953–88), Қазақстан ҒА-ның вице-президенті (1972–74), президенті (1974–86), Қазақстан ҒА-ның Металлургия және кен байыту институтының құрметті директоры (1996–99) болды. 1969 ж. «Пирогидрометаллургические способы переработки ванадиевого сырья Казахстана» тақырыбында докторы диссертацияcы қорғаған. Негізгі ғылым еңбектері кен өңдеудің физика-химия кешенді технологиясын дамытуға арналған. Қонаев кремнийге бай сирек кездесетін металл кендері мен фосфориттердің тотығуын және қалпына келуінің жаңа заңдылықтарын тапты; қатарынан фосфор мен кешенді легирлеуші қорытпа алудың жаңа технологиясын жасады (Қазақ КСР-і Мемл. сыйл., 1982); өнеркәсіптік көлемде фосфорлы темір кенін өңдеу технологиясын жасап өндіріске енгізді (КСРО Мемл. сыйл., 1984). 9–11-сайл. КСРО Жоғ. Кеңесінің депутаты. Қазақ КСР-і Мемл. (1972), КСРО Мемл. сыйлықтардың (1978) лауреаты. Ленин, Қазан революциясы, Еңбек Қызыл Ту ордендерімен марапатталған.